DURDUQCA BƏDƏNDƏ CAN...
YAŞA, YAşA ÇOX YAŞA,
EY ŞANLI AZƏRBAYCAN..!
(Məmməd Əmin Rəsulzadə)
28 May. Bu gün tariximizə Respublika günü kimi daxil olub. Xalqımız hər il bu günü böyük təntənə ilə qeyd edir. Çünki həmin gün – 1918-ci il mayın 28-də – Gülüstan və Türkmənçay müqavilələrindən sonra müstəqilliyini itirən, yüz ildən artıq müstəmləkə şəraitində yaşayan, mədəniyyəti, dili, dini sıxışdırılan Azərbaycan azadlığa çıxmışdır. 1918-ci il mayın 28-də “İstiqlal bəyannaməsi”ndə Azərbaycanın müstəqil dövlət olduğu elan edilirdi. Azərbaycan Xalq Cümhuriyyəti müsəlman-şərqində yaranmış ilk xalq-demokratik respublikası idi. Hər bir xalqın, millətin sahib olduğu ən böyük sərvət onun müstəqil dövlətinin olmasıdır. Lakin müstəqillik təsadüfən qazanılmır və ya onu hədiyyə etmirlər. Müstəqilliyə gedən yol böyük mübarizələrdən keçir. Onu qazanmaq və qoruyub saxlamaq qurban tələb edir. Əldə edilmiş bu azadlıq xalqımızın böyük mübarizəsinin , onun böyük oğlu Məhəmməd Əmin Rəsulzadə başda olmaqla görkəmli ziyalılarımızın təfəkkürünün bəhrəsi idi. Müstəqilliyimizi qoruyub saxlamaq üçün ciddi tədbirlər görüldü. Azərbaycan Xalq Cümhuriyyətinin ilk hökumət başçısı Fətəli xan Xoyski 1918-ci il mayın 30-da teleqrafla bütün dünya ölkələrinə Azərbaycanın müstəqil olması xəbərini elan etdi. İyun ayının 4-də qardaş Osmanlı dövləti ilə sülh və dostluq müqaviləsi bağlanaraq, Osmanlı dövlətindən hərbi yardım alındı. Beləliklə də 1918-ci il iyunun 26-da Azərbaycanın milli ordusu yaradıldı. Azərbaycan dili dövlət dili elan edildi. Üçrəngli – göy, qırmızı, yaşıl bayrağımız yaradıldı. Türk-müsəlman şərqində ilk dəfə bizim ölkəmizdə qadınlara seçib-seçilmək hüququ verildi. Xalqımızın savadlanması üçün məktəblər, yaşlılar üçün savad kursları, türk olmayan xalqlar üçün türk dilli kurslar açıldı. 1919-cu ildə ən böyük ali təhsil ocağı Bakı dövlət universiteti açıldı. Məktəblər üçün dərsliklər yazılır, kitabxanalar açılır, onlarla qəzet və jurnal nəşr olunurdu. Milli muzeyimiz – “İstiqlal” muzeyi yaradıldı. Bütün bunlar hamısı qısa sürmüş müstəqillik zamanı əldə edilmiş uğurlar idi. Azərbaycan Xalq Cümhuriyyəti cəmi 23 ay yaşadı. Ölkəmizə əsən şimal küləyi müstəqilliyimizi təhlükə altında qoydu. Azərbaycanın müstəqillik qazanması ilə barışa bilməyən Sovet Rusiyası 1920-ci il aprelin 27-də 11-ci ordunu ölkəmizə yeridərək müstəqilliyimizə son qoydu. Təəssüflər olsun ki, uzun mübarizdən sonra bərpa edilmiş müstəqillik tezliklə itirildi. Onun süqutundan sonra Sovet imperiyasının 70 illik əsarəti dövrü başladı. Lakin xalqımız müstəqillik uğrunda mübarizəni davam etdirdi. Bu mübarizədə çoxlu şəhidlər verdik. 1991-ci ildə müstəqilliyimizi yenidən əldə etdik. Xalqımızın başına gəlmiş hadisələr, tarix bir daha göstərir ki, xalqın azadlıq əldə etməsilə iş qurtarmır. Xalq öz azadlığını və müstəqilliyini qoruyub saxlamağı bacarmalıdır. Bunun üçün də hər bir insan üzərinə düşən vətəndaş borcunu yerinə yetirməlidir.
---------------------------------------------------
“Ah,Azərbaycan! Biz sənin haqqını tələb etmək deyil, yalnız adını söyləmək üçün nə qədər məruzələrə rast gəldik, nə qədər töhmətlərə məruz qaldıq! Azərbaycan muxtariyyəti diyorduq: soldan və sağdan hər növ hücuma məruz qalırdıq.
Biz, Azərbaycan torpaqlarını qızdıran atəşi- müqəddəsi köksümüzdə bəsləmək istiyoruz: bizə Moskvada yanacaq “məşəli” nişan veriyorlardı. Biz elmə, mədəniyyətə öz dilimizin, öz mədəniyyətimizin ruhu, rəngi ilə pərvərdə edilmiş bir millət çıxarmaq istiyoruz: biz. Ərəbistanı göstəriyorlardı”. (M.Ə.Rəsulzadə)
"Bir kərə qalxan Bayraq Bir daha enməz" - Bügün uşaqdan böyüyə hər kəsin dillər əzbəri olmuş bu sözlərin müəllifidə Məmməd Əmin Rəsulzadədir.. Unudulmaz Dahi Lider, Ulu Öndər... Məhz Məmməd Əmin Rəsulzadənin ciddi səyləri nəticəsində Azərbaycan Müstəqilliyini əldə etmişdir. Onun Azərbaycan xalqına tarixinə nələr bəxş etdiyini rus və erməni zülmündən qırğınlarından hansı çətin şəraitdə maddi vəsait olmadan necə cumhutiyyət qurmasını sözlərlə ifadə etmək mümkünsüzdür . Onun həyatından siyasi və bədii fəaliyyətindən nə qədə istəsən yazmaq olar lakin bunun haqqında bir o qədər də əsərlər var məncə hər bir Azərvaycan vətəndaşının ən azı Azərbaycan adlı dövlətin var olmasını bu gün üçün real edən bu düha adam haqqında oxuması özünün bir şərəf borcudur. Yəni bu bizim əslində “çiyinlərimizin borcudur”! Unudulan və ya unutdurulan əslində layiq oladuğu dəyərin milyonda birini belə bu gün görməyən bu şəxsiyyət üçün bu gün nəsə yazmaq əslində bizim sadəcə kiçik bir şərəf borcumuzdur . Onun haqqında heç səhivələrcə yekə yekə qırmızı haşıyələr və dəbdəbəli cümlələr və ya bolluca təriflərlə dolu bir məqalə yazmağa belə ehtiyac yoxdur heç bu bizim həddimizə belə deyil çünki onun qoymətini və dəyərini Tarix verib artıq! Sadəcə biz bu böyük şəxsiyyət Ulu Öndərin qarşısında baş əyir ona bizə miras qoyduğu və heç vaxt enməyəcək üç rəngli bayraq , əbədi himn və bizi məhv olmaqdan qurtaran Azərbaycan Dövləti üçün sonsuz bitməz tükənməz minnətdarlığımızı bildirirk . Nə yaxşıkı siz Azərbyacan xalqının həyatına mənəviyyatına və bütün tarixinə bir əbədiyyət günəşı kimi doğdunuz . Məhəmməd Əmin Rəsulzadə bu üç rəngli bayraq enməyincə və Azərbaycan respublikası məhv olmayınca heç vaxt ölməyəcəkdir !
Ruhun şad Olsun Ulu Öndərim...
0 yorum:
Yorum Gönder